-
Maniobra
ni Estancio Hugnatan
Ngunit saan tutungo ang pagtibok
Ngunit saan hihimpil ang isip
Ngunit saan ang kahihinatnan
Kung hindi nakikita ang daraanan
Ngunit bakit ba ako naririto
Ngunit bakit tila ako’y nalilito
Ngunit bakit puro kalyeng liku-liko
Kung iisang daan lang naman ang tahak ko
Ngunit paano babanggitin ng mga labi
Ngunit paano hihilingin ng aking pagwari
Ngunit paano maipararating sa katambal ng hari
Kung sa mundo at sa’yo ako’y nababali
Umikot na parang manibela
Tila trumpong nahihilo na
Umiikot na bote’y sana’y tumigil na
At sa paghinto, sayo’y nakatapat na nga
